Deputetja e Partisë Demokratike të Kosovës (PDK), Ariana Musliu-Shoshi, ka mohuar raportimet se gjatë ditës së sotme do t’i bashkohet, Lëvizjes Vetëvendosje.
Ajo ka thënë se raportimet e tilla nuk janë të vërteta.
“Jo unë qëndroj prapa postimit që e kam bërë mbrëmë, nuk është e vërtetë nuk ka asgjë të vërtetë. Nuk e di nuk merrem më kësi gjërash, kur je person publik pret edhe opinione publike”, ka thënë Musliu-Shoshi.
Të dielën gjatë seancës për votimin e Presidentit, deputetja tjetër e PDK-së, Adelina Grainca votoi dhe më pastaj u bë e ditur se ajo ka kaluar në VV.
PDK përmes një komunikate ka njoftuar se Grainca është shkarkuar nga kjo parti dhe e akuzoi, e njëjta ka kaluar në VV për pazare politike.
