Kryetari i AAK-së, Ramush Haradinaj, ka folur rreth votës së Albena Reshitajt për Vjosa Osmanin presidente.
Haradinaj ka thënë se deputeti i Vetëvendosjes, Salih Zyba, ka pasur kontakte me shumë deputetë të partisë së tij, duke iu dhënë oferta për votën për presidente.
"Ka qenë Salih Zyba i Vetëvendosjes që ka pasur kontakte me deputetë tonë. Ai sekser ka dhënë oferta për deputetët e AAK-së për ta votuar Vjosa Osmanin për presidente. Albena Reshitaj si duket e pranoi këtë", ka thënë Haradinaj në Rubikon, përcjellë "Bota sot".
Pas veprimit të deputetes Reshitaj, kjo e fundit është shkarkuar nga AAK-ja, teksa ka thënë se do të mbetet deputete e pavarur, ndonëse përflitet për një kalim në grupin parlamentar të VV-së./Botasot
