Ambasada e Kosovës në Bullgari, ka njoftuar se nga 1 Maji do të aplikohen masa të reja për hyrje në territorin e Bullgarisë
Siç njofton ambasada, hyrja në territorin e Bullgarisë do të jetë e mundur nëse keni cerfitikatën e vaksinimit, rezultatin negativ të PCR dhe një dokument që vërteton imunitetin natyror pasi personi i infektuar është rikuperuar nga Covid-19, jo me të vjetër se 6 muaj para datës së hyrjes në Bullgari.
Njoftimi i plotë
Nga 1 Maji aplikohen masa të reja për hyrje në territorin e Bullgarisë
Autoritetet shëndetësore Bullgare, respektivisht Shtabi Operativ Kombëtar përmes një rishqyrtimi në kuadër të masave kundër pandemisë Covid-19, kanë nxjerrë një vendim të ri përmes të cilit vendoset se që nga data 1 Maj 2021, hyrja në territorin e Bullgarisë do të jetë e mundur nëse plotësoni një nga 3 kërkesat e mëposhtme:
- certifikatën e vaksinimit (dozat komplete),
- rezultat negativ i PCR-së ose testit të antigjenit
- një dokument që vërteton imunitetin natyror pasi personi i infektuar është rikuperuar nga Covid-19, jo me të vjetër se 6 muaj para datës së hyrjes në Bullgari.
