Kryeministri Albin Kurti pak para vizitës në Bruksel, ka biseduar me presidentin e Këshillit Europian, Charles Michel, të cilit i ka thënë se prioritet e qeverisjes së tij janë, sigurimi i vaksinave, krijimi i vendeve të punës dhe drejtësia.
Kështu ka bërë të ditur vet Kurti përmes një shkrimi në llogarinë e tij në Twitter, ku mes tjerash tha se e ka siguruar Michel se do të angazhohet edhe në dialogun me Serbinë.
“Përpara vizitës sime në Bruksel, unë kisha një bisedë telefonike me Presidentin e Këshillit Evropian, Charles Michel. Unë e falënderova atë për përgëzimet e tij për fitoren tonë dhe përsërita që sigurimi i vaksinave, krijimi i vendeve të punës dhe drejtësia janë tre prioritetet e para të qeverisë. Unë gjithashtu e sigurova atë për angazhimin tonë në dialog”, ka shkruar Kurti.
Ndryshe, sot kryeministri Albin Kurti ka udhëtuar drejt Brukselit pikërisht për të negociuar për rifillimin e dialogut me Serbinë, me lehtësimin e Bashkimit Evropian.
Para tij, për në Bruksel ka udhëtuar edhe presidentit serb, Aleksandër Vuçiq.
Ahead of my visit to Brussels I had a ?with the President of @EUCouncil @eucopresident. I thanked him for his congrats on our victory & reiterated that securing vaccines & delivering on jobs & justice are gov. top priorities. I also assured him of our commitment to the dialogue. pic.twitter.com/jtZj1MvG26
— Albin Kurti (@albinkurti) April 27, 2021
