Kryetari i LDK-së, Lumir Abdixhiku ka vizituar shtëpinë muze të pavarësisë, Dr. Ibrahim Rugova.
Abdixhiku ka thënë se: “Në “Shtëpinë e Pavarësisë” njeriu gjene jo vetëm kujtesën e një elite intelektuale e një lëvizje popullore që përcaktoj të ardhmen mbarë e mirë; por edhe motivin për të shërbyer me nder e përgjegjësi në këtë vend. Ky motiv është udhërrëfyes për secilin prej nesh sot e nesër
Ai në këtë vizitë ishte së bashku me bashkëshorten e tij, Albinën dhe disa nga figurat e LDK-së.
Postimi i tij:
Sot, me Albinën e me bashkëpunëtorë, vizituam “Shtëpinë e Pavarësisë” për të shënuar Ditën e Presidentit.
Më 24 maj të vitit 1992, Kosova mbajti zgjedhjet e para shumëpartiake për Kuvendin dhe Presidentin e Republikës. Ibrahim Rugova, u zgjodh Presidenti i parë i Republikës së Kosovës; dhe kështu nisi rrugëtimi ynë institucional për Liri, Pavarësi e Demokraci. Pjesa tjetër është histori e lavdishme që i mbijeton kohës. Ati themeltar i shtetit të Kosovës, Dr. Rugova, i mbijeton kohës.
Në “Shtëpinë e Pavarësisë” njeriu gjenë jo vetëm kujtesën e një elite intelektuale e një lëvizje popullore që përcaktoj të ardhmen mbarë e mirë; por edhe motivin për të shërbyer me nder e përgjegjësi në këtë vend. Ky motiv është udhërrëfyes për secilin prej nesh sot e nesër.
