Deputeti i Partisë Demokratike të Kosovës, Xhavit Haliti, ka reaguar pasi që sot është gjobitur nga Policia e Kosovës, derisa po shkonte në Kuvend.
Arsyeja se përse është gjobitur ka të bëjë me mos vendosjen e maskës.
Haliti, përmes një postimi në profilin e tij në Facebook, ka kërkuar nga qytetarët që të vendosin maska në mënyrë që të mbrojnë shëndetin e tyre dhe të tjerëve.
"Sot, derisa po kaloja në sheshin “Nënë Tereza” në Prishtinë, kisha harruar të vendosë maskën, dhe si rrjedhojë mora një gjobë nga Policia e Kosovës.
I ftoj të gjithë qytetarët që, në mbrojtje të shëndetit të tyre dhe të tjerëve, të bëjnë kujdes dhe mos të lëvizin pa maska mbrojtëse", ka shkruar Haliti.
