Qeveria e Kosovës në mbledhjen e sotme, ka marr vendim që t’i hapë rrugë largimit të homologimit si detyrim për veturat që importohen nga vendet e tjera.
Në një reagim në Facebook, kryeministri Albin Kurti, ka thënë se filloi fundi i zhvatjes përmes homologimit, përcjell Bota sot.
Kurti ka theksuar se për 12 vjet me radhë, një oligark u pasurua përmes monopolit të homologimit të automjeteve.
Ligji tani shkon në Kuvendin e Kosovës, për ndryshim ose plotësim nga deputetët.
Reagimi i Kurtit:
Filloi fundi i zhvatjes përmes homologimit. 12 vjet radhazi kishim monopol në homologimin e automjeteve që pasuronte një oligark duke imponuar barrierë tregtare. Qytetarëve u duhen shërbime të mira e jo detyrime të padrejta.
Tash është në duart e deputetëve të Kuvendit të Republikës që ta jetësojnë nismën ligjore për ndryshimin dhe plotësimin e Ligjit 05/L - 132 për Automjete.
