Sami Lushtaku i PDK-së, ia ka dërguar një mesazh kryetarit të partisë që është në Hagë, me rastin e ditëlindjes.
“Në ditëlindjen e pazakontë, i dërgoj urimet më të përzemërta mikut, bashkëluftëtarit e bashkëmendimtarit tim, kryetarit të PDK-së Kadri Veseli, për ditëlindjen e tij të 54.
Duke e njohur për më shumë se tri dekada, ai përbën figurën e njeriut të ndershëm e të drejtë, strategut e luftëtarit të denjë të UÇK-së, për tu shndërruar më pas në lider të ndërtimit të paqes dhe shtetit. Ndonëse i sfiduar padrejtësisht, ai dhe gjithë të tjerët do të dëshmojnë se lufta jonë ishte mbrojtëse dhe çlirimtare.
Shëndet e gjithë të mirat për Kadriun dhe familjen e tij!”, përfundon urimi i Lushtakut, që sivjet kandidon sërish për kryetar të Skënderajt.
