Pyper, si platformë e specializuar për matjen e opinionit publik, ka organizuar sondazhin e radhës.
Në këtë sondazh qytetarët janë pyetur për procesin e dialogut dhe zgjedhjet lokale.
Mbi 47% e qytetarëve mendojnë se pozita dhe opozita do të arrijnë gjuhën e përbashkët sa i përket procesit të dialogut. 31% nuk mendojnë se do të ketë bashkëpunim pozitë opozitë për dialogun. Ndërsa rreth 22% nuk kanë opinion për këtë temë.
Mbi 44% e qytetarëve e arsyetojnë faktin që LVV ende nuk ka zgjedhur një kandidatë për garën e Prishtinës. 22% mendojnë se është e pa arsyeshme pse LVV ende nuk ka dalë me kandidat për Prishtinën. Derisa 35% nuk kanë opinion për këtë temë.
Rreth 53% e qytetarëve mendojnë se LVV në këto zgjedhje do të ketë rezultat më të mirë se zgjedhjet e fundit lokale. Mbi 14% mendojnë se LVV do të dalë më keq se në zgjedhjet e fundit lokale. Rreth 17% mendojnë se LVV do të ketë afërsisht rezultat të njëjtë si zgjedhjet e fundit lokale. 16% nuk kanë shprehur opinionin e tyre për këtë temë.
Rezultatet e detajuara të sondazhit të Pyper i gjeni në grafikët e mëposhtëm.
