Haxhiu akuzon Vitinë: Vaksinimi po duket se po përdoret për fushatë

Aktuale

Haxhiu akuzon Vitinë: Vaksinimi po duket se po përdoret për fushatë

Më: 1 qershor 2021 Në ora: 21:02
Bekim Haxhiu

Deputeti i Partisë Demokratike të Kosovës, Bekim Haxhiu, ka bërë kritika rreth menaxhimit të pandemisë nga ministri i Shëndetësisë Arben Vitia dhe ka kërkuar nga ai dorëheqje në rast se nuk arrijnë të vaksinojnë 60% të qytetarëve deri në fund të vitit, ashtu siç është premtuar nga Qeveria.

Bekim Haxhiu tha se Vitia nuk ishte në gjendje të garantonte me pozitën e tij që do të vaksinojë 60 përqind të qytetarëve.

Sipas tij, premtimi për vaksinim deri në këtë masë, është krejtësisht i nivelit të fushatës elektorale.

“Zotimi i qeverisë Kurti për 60% të vaksinimit të qytetarëve duket të jetë i nivelit të fushatës elektorale, sepse nuk ishte në gjendje të garantonte me pozitën e tij Arben Vitia dhe me të qeverisë së tij. Për të qenë i besueshëm do te duhej të garantonte dhe të thoshte, po nëse unë nuk e realizoj vaksinimin e 60 përqind të qytetarëve deri më 31.12.2021 unë jap dorëheqje”.

commentFirst article
Sot mund të lexoni Shfletoni kopertinat