Lumir Abdixhiku, kryetar i Lidhjes Demokratike të Kosovës, kërkoi nga kryeminstri Kurti që ta shkarkojë Goran Rakiq, ministër nga radhët e komunitetit serb.
Kjo pasi ai një ditë më herët e quajti kryeministrin me fjalën hipokrit.
“Si është e mundur një ministër ta ofendoj kryeministrin e tij dhe të mos ketë reagim, nga sot ky relacion nuk mund të funksionoj, rendi është që kryeministri ta shkarkoj ministrin e vet”, tha Abdixhiku.
Ai këto komente i bëri në debatin “Fol Hapur” ku është duke diskutuar me gazetarë dhe përfaqësues të shoqërisë civile në Kosovë.
