Sot në Kuvend, po zhvillohet senca parlamentare ku deputetët po debatojë lidhur me situatën e arsimit në pandemi.
Mirëpo, në këtë debat parlamentar për arsimin nuk është i pranishëm kryeministri Albin Kurti, shkruan "Bota sot".
E arsyeja e kësaj mungesë doli të jetë, një delegacion nga Austria.
Kryeministri i Republikës së Kosovës, Albin Kurti priti sot në takim një delegacion nga Austria, të cilit i prinin deputetët nga Partia Popullore e Austrisë, Martin Engelberg dhe Carmen Jeitler-Cincelli, njëherësh kryetare e Grupit parlamentar të miqësisë Austri-Kosovë.
Deputetët austriakë e uruan kryeministrin Kurti për fitoren në zgjedhje dhe i dëshiruan suksese në qeverisje. Ata u interesuan për situatën me pandeminë dhe ndikimin e saj në ekonomi, dhe shprehën gatishmërinë për vazhdimin e mbështetjes për Kosovën.
Kryeministri Kurti u shpreh falënderues për ndihmën që Austria i ka dhënë ndër vite popullit të Kosovës dhe për rëndësinë që ka për vendin intensifikimi i bashkëpunimit sidomos në fushën e arsimit.
Ai tha se punësimi dhe reformat në drejtësi kanë qenë premtim i fushatës zgjedhore.
Për të krijuar vende pune ne na duhen investime, tha kryeministri dhe shprehu shpresën se Austria si investitori i katërt më i madh do të vazhdojë investimet në Kosovë, së bashku me mërgatën kosovare në Austri. Në veçanti, kryeministri kërkoi mbështetjen austriake në zhvillimin e sistemit dual të edukimit.
