Kryetari i Republikanëve të Kosovës Faton Kurti, ka reaguar pas vendimit të presidentit amerikan Joe Biden, i cili ka nënshkruar urdhrin ekzekutiv për bllokimin e pasurive të individëve, që sipas Departamentit të Thesarit Amerikan kanë cenuar stabilitetin në Ballkanin Perëndimor.
Kurti ka thënë se nga ky vendim duhet të shqetësohen të gjithë politikanët e korruptuar dhe kriminalizuar, përcjell Bota sot.
Ai ka thënë se e kishte paralajmëruar se me ardhjen e Bidenit në pushtet, SHBA-ja do të kthehet fuqishëm në Ballkan.
Postimi i Kurtit në Facebook:
SHBA dhe Biden, të vendosur në pastrimin e Ballkanit!
E kam paralajmëruar që kohë se me ardhjen e Presidentit të ri z. Joe Biden, SHBA-ja do ta kthejë vëmendjen fuqishëm tek Ballkani Perëndimor.
Presidenti Joe Biden firmosi urdhrin ekzekutiv për bllokimin e pasurive të individëve që sipas Departamentit të Thesarit Amerikan kanë cenuar stabilitetin në Ballkanin Perëndimor.
Ky vendim duhet të jetë shumë shqetësues për gjithë ata politikanët e korruptuar dhe të kriminalizuar të cilët në dekadat e fundit e destabilizuan Ballkanin.
Drejtësia do të fitojë dhe fundi do të jetë i mirë për qytetarët e dhunuar.
