Anëtari i Kryesisë së LDK-së, Muhamet Hamiti, përmes një shkrimi në llogarinë e tij në Facebook, ka bërë një koment lidhur me dialogun me Serbinë.
Hamiti shkruan se presidenti i Serbisë, Aleksandar Vuçiq nuk është i interesuar për dialog që çon në zgjidhje përfundimtare.
Madje, ai paralajmëron qeverinë e Kosovës se duhet të jetë e gatshme, e përgatitur, për këtë përballje në dialog e të mos i krijojë mbulesë Vuçiqit.
Ja shkrimi i tij:
Presidenti i Serbisë nuk është i interesuar për dialog që çon në zgjidhje përfundimtare, që s’ka se si të përfundojë ndryshe pos me njohje të Republikës së Kosovës, në kufijt aktualë.
Qeveria e Kosovës duhet të jetë e gatshme, e përgatitur, për këtë përballje në dialog e të mos i krijojë mbulesë Vuçiqit në taktikën e strategjinë e tij për zvarritje e minim të procesit të dialogut, duke i lënë fajin Kosovës.
