Gjatë ditës së djeshme zëdhënësi i Qeverisë, Përparim Kryeziu ka thënë se marrëveshja e nënshkruar në Washington juridikisht është e pavlerë.
E, lidhur me këtë deklaratë ka reaguar lideri i AAK-së, Ramush Haradinaj, ka kërkuar nga kryeministri Kurti që ta përgënjeshtrojë këtë deklaratë.
Kjo pasi që siç thotë Haradinaj, rrezikohet partneriteti strategjike me Amerikën, e që është jetik për Kosovën.
Postimi i tij i plotë:
Qeveria Kurti paska deklaruar se e vetmja marrëveshje ndërmjet Kosovës dhe Serbisë, që është nënshkruar në Shtëpinë e Bardhë, qenka juridikisht e pavlerë!
Nëse Kryeministri, nuk e përgënjeshtron këtë deklaratë të zëdhënësit të tij, ai merr gjithë përgjegjësinë e rrezikimit të partneritetit strategjik me Amerikën që është jetik për Kosovën.
Këtë nuk do të mund ta bëjë askush, asnjë qeveri e asnjë kryeministër!