Driton Tali, ish-këshilltari i Albin Kurtit, ka kërkuar nga Qeveria e Kosovës që të intensifikojë kontrollin e cilësisë së bukës që e konsumojmë.
Ai ka thënë se sipas të dhënave, në Kosovë po prodhohet bukë që është standard i tagjisë për kafshë, përcjell Bota sot.
Ai ka kritikuar qeveritë e deritanishme se ishin të zënë me çështje tjera dhe nuk “kishin kohë” të merreshin me këtë çështje.
Reagimi i Talit në Facebook:
Qeveria duhet ta intensifikojë kontrollin e cilësisë së bukës që e konsumojmë.
Sipas shumë të dhënave ne konsumojmë bukë të prodhuar nga mielli që përmban rreth 10.5% të proteinave, sasi që është standard i tagjisë për kafshë.
Pa e përmendur sasinë e madhe të aditivit dhe substancave tjera kimike, që përdoren, e të cilat UE ka kohë që i ka ndaluar.
Sepse qeveritë e mëparshme nuk kishin kohë m'u marrë me cilësinë e bukës ngase ishin të zënë me demarkacion, zajednicë, shkëmbimin territorial, me privatizime, dhe viza e integrime euroatlantike.
