Ish-këshilltari i ish-kryeministrit, Avdullah Hoti, Visar Berisha, përmes një postimi në Facebook, ka thënë se qeveritë e Kosovës që nga 2011 nuk ka pasur një plan as pritshmëri nga dialogu me Serbinë.
Madje, sipas Berishës, as edhe qeveria e kryeministrit Albin Kurti nuk e ka një plan për dialogun, përcjell “Bota sot”.
Sipas Berishës, krejt kjo për shkak se Kosova e ka humbur në mase të madhe gjeneratën e shtetformuesve.
“Kosova e ka humbur në mase të madhe gjeneratën e shtetformuesve. Atyre qe e njohin shtetin si ide. I dyti, klasa politike udhëheqëse e djeshme dhe e sotme është e vetmjaftuar me administrimin e pushtetit të dobët që ofron Prishtina, dhe nuk ka vullnet për t’u marrë me të ardhmen 100 vjeçare të Kosovës”, shkruan ai.
Ja postimi i tij:
Për fat të keq!
Kosova që nga 2011 nuk ka pasur një plan as pritshmëri nga Dialogu me Serbinë. As kjo Qeveri nuk e ka.
Kjo vjen për shkak të dy faktorëve; i pari, Kosova e ka humbur në mase të madhe gjeneratën e shtetformuesve. Atyre qe e njohin shtetin si ide.
I dyti, klasa politike udhëheqëse e djeshme dhe e sotme është e vetmjaftuar me administrimin e pushtetit të dobët që ofron Prishtina, dhe nuk ka vullnet për t’u marrë me të ardhmen 100 vjeçare të Kosovës.
