Ministri i Shëndetësisë, Arben Vitia, tha se kontingjenti që ka mbërritur sot në Kosovë përmban mbi 81 mijë doza të vaksinave Pfizer.
Ky kontingjent është rezultat i marrëveshjes së arritur mes kompanisë amerikane Pfizer dhe Ministrisë së Shëndetësisë.
Postimi i plotë:
Mirëmbrëma të nderuara qytetare e qytetarë!
Sot mbërritën 81.900 doza të vaksinave Pfizer në vendin tonë. Kjo është sasia e parë e blerë nga Republika e Kosovës. Në vijim presim dhe shumë të tjetra deri në plotësimin e të gjithë sasisë.
Vaksina ishte dhe është shpresa për ta kapërcyer të mbrojtur vjeshtën dhe dimrin që na pret përpara. Imunizimi është kyç për mbrojtjen e shëndetit të të dashurve tanë.
Këtë verë do ta mbajmë mend si vera e vaksinimit masiv në Kosovë.
Kështu hymë në një cikël të ri që do të na hapë rrugë për të punuar, shkolluar e përmirësuar gjendjen në shumë fusha.
