Kryespiuni i Kosovës, Petrit Ajeti, në Agjencinë Kundër Korrupsionit, ka deklaruar një pasuri “modeste”.
Në deklarimin e pasurisë së tij, Ajeti, thotë se nën pronësi të tij, nuk është asnjë banesë, shtëpi, lokal apo veturë.
Gjithçka që ka raportuar Ajeti në pronësi të tij, janë rreth 5 mijë euro para të gatshme, të ruajtura në dy banka të ndryshme në Kosovë.
Shtëpia në të cilën jeton dhe vetura të cilën e nget, Ajeti thotë se janë në pronësi të prindit të tij.
Ai ka deklaruar se shtëpia në emër të prindit të tij, rreth 300 m2, kap vlerën e 250 mijë eurove.
Teksa, vetura e tipit mercedes, gjithashtu në pronësi të babait të tij, kap vlerën e 4 mijë eurove.
