Mërgimtarët tanimë kanë marrë me të madhe rrugën drejt Kosovës.
Siç u bë e ditur, vetëm sot në Prishtinë kanë ateruar 50 aeroplanë nga shtete të ndryshme.
Përveç kësaj, shumë nga mërgimtarët Kosovës ia mësyjnë edhe me vetura, e kjo po shkakton kolona në pikat kufitare.
Sidoqoftë, gjendja aktuale nëpër të gjitha pikat kufitare është e mirë dhe nuk ka pritje të gjata.
Në Merdare, aty ku zakonisht është situata më problematike, pritjet shkojnë deri në 10 minuta në hyrje-dalje.
Kaq kohë pritje për të hyrë në Kosovë duhet edhe tek Dheu i Bardhë.
Ndërkaq, në pikat tjera kufitare situata është edhe më e mirë ndërsa pritjet nuk janë më të gjata se pesë minuta.
