Anëtari i Partisë Demokratike, Kreshnik Çollaku, ka alarmuar përmes një shkrimi të publikuar në profilin e tij në Facebook, se Serbia është duke përgatitur një ide për të larguar ndikimin NATO-s dhe BE-së nga rajoni.
Madje, ai turp e quan se si Shqipëria si i vetmi vend në Ballkan (përveç Serbisë) që nuk ka dënuar genocidin serb në Srebrenicë.
“BeogradoMania është tashme instaluar si linjë zyrtare e politikës së jashtme e Tiranës zyrtare në rajon. Kjo qasje përveçse izolon ndërkombëtarisht Kosovën, i shkakton një dem të pallogaritshëm përpjekjeve panshqiptare për rregullimin e zgjidhjen e çështjeve shqiptare në Ballkan”, shkruan mes tjerash ai.
Kurse, gjithashtu paralajmëron se “Ballkani ballkanasve” është slogani më i preferuar i Vuqiçit sot, e që e konsideron se përveç një “pushtimi” serb të rajonit, ky skenar është strategjia inteligjente për të nxjerrë nga Ballkani ndikimin e NATO-s dhe BE-së.
Ja shkrimi i tij:
“Ballkani, ballkanasve” një ide serbe për të larguar ndikimin NATO dhe BE nga rajoni.
Për turp.., Shqipëria i vetmi vend në Ballkan (përveç Serbisë) që nuk ka dënuar genocidin serb në Srebrenicë.
BeogradoMania është tashme instaluar si linjë zyrtare e politikës së jashtme e Tiranës zyrtare në rajon.
Kjo qasje përveçse izolon ndërkombëtarisht Kosovën, i shkakton një dem të pallogaritshëm përpjekjeve panshqiptare për rregullimin e zgjidhjen e çështjeve shqiptare në Ballkan.
Ortakëria e Tiranës zyrtare me Beogradin drejt Minishengenit (Zonës së NoviSadit), përveçse cenon sovranitetin dhe pavarësinë e Kosovës, përveçse e kthen Shqipërinë në kushtet e 1947 (de facto) një republikë të shtatë të Jugosllavisë, përveçse instalon përfundimisht hegjemoninë serbe në Ballkan…, rrezikon thellësisht tendencën euroatlantike të rajonit.
Premtimi për paqe e integrim në Ballkan përmes rolit kujdestar të Serbisë, është ide destruktive dhe madje Miope edhe kur artikulohet nga mercenare të brendshëm apo diplomate të huaj.
“Ballkani ballkanasve” slogani më i preferuar i Vuqiç sot, përveç një “pushtimi” serb të rajonit është strategjia inteligjente për të nxjerrë nga Ballkani ndikimin e NATO-s dhe BE-së.
