Partitë opozitare gjatë ditës kanë drejtuar kritika ndaj kryeministrit të vendit, Albin Kurti, sipas të cilëve ky i fundit nuk ka reaguar me kohë ndaj helmimit të rreth 1500 qytetarëve të Deçanit.
E, pas këtyre kritikave, ish-këshilltari i Albin Kurtit, tash këshilltar për ekonomi i kryeparlamentarit Glauk Konjufca, Driton Tali, ka reaguar duke thënë se qytetarët e Deçanit nuk kanë kohë për të humbur, se “pse ky apo ai udhëheqës nuk e vizitoi qytetin”.
Tali përmes një shkrimi në Facebook, ka bërë me dije që urgjentisht duhet të hulumtohet se si u helmuan veç një grup i caktuar qytetarëve, e jo e tërë komuna e cila e përdorë po të njëjtin ujë.
Ja reagimi i Talit:
Deçanasë, mos humbasni kohë me “pse ky apo ai udhëheqës nuk e vizitoi qytetin”, thuajse ata janë mesie (të dërguarit e Zotit), që si ta vizitojnë Deçanin problemi vetvetiu zgjidhet!
Por kqyrni, hulumtoni se si u bë që veç një grup i caktuar qytetarëve të helmohet e jo e tërë komuna e cila e përdorë po të njëjtin ujë?!
