Gjatë vizitës në qytetin e Pançevës, presidenti i Serbisë, Aleksandër Vuçiq i pyetur nga gazetarët lidhur me takimin e nivelit të lartë në Bruksel me Kurtin, ka deklaruar se, “Në Bruksel në takim me Kurtin shkojmë me bindje e besim për të zgjidhur problemet konkrete”, shkruan “B92” transmeton “Bota sot”.
Presidenti Vuçiq tha se në takimin që pason në gjysmën e dytë të këtij muaji do të diskutohen çështje konkrete me rëndësi për të dy palët.
“Shkojmë të zgjidhim problemet konkrete siç janë çështja e personave të pagjetur sikurse edhe problemet tjera që janë në interes të qytetarëve”, tha ai në Pançevë.
“Besoj se përparimi në dialog është i domosdoshëm dhe mendoj se kjo është me rëndësi për të gjithë vendin sepse kur përparojmë në dialog, do të jetë më lehtë edhe më shpejtë si vijnë investitorët”, tha Vuçiq.
