Deputeti i Lëivzjes Vetëvendosje, Dimal Basha ka reaguar pas deklarimit të presidentit serb, Aleksandër Vuçiq për helmimet në komunën e Deçanit.
Basha hodhi poshtë raportimet se raportet Kosovë-Serbi janë tensionuar pas kësaj deklarate të presidentit serb.
“Sot në Komisionin për Mbikëqyrjen e AKI-së kemi pasur të ftuar drejtorin e AKI-së, dhe sipas informacioneve të deritanishme, NUK KA ASNJË NEVOJË PËR PANIK. Pra NUK ka tensionim të situatë”, shkroi Basha në Facebook, përcjell “Bota sot”.
Postimi i plotë
Qytetarë të nderuar,
Me një portal po lexoj se po tensionohet situata rreth helmimit të qytetarëve në Deçan, dhe po e ndërlidhin me disa deklarime të Vuqiqit në Serbi.
Sot në Komisionin për Mbikëqyrjen e AKI-së kemi pasur të ftuar drejtorin e AKI-së, dhe sipas informacioneve të deritanishme, NUK KA ASNJË NEVOJË PËR PANIK. Pra NUK ka tensionim të situatës.
Është papërgjegjshmëri e madhe kur ka gazetarë që krijojnë tituj që krijojnë panik te qytetarët në gjendje emergjente dhe kohë krizash.
