Analisti Seb Bytyçi po vlerëson se Deçani, ngjashëm si Malisheva, është një nga zonat më të nënzhvilluara në Kosovë.
Duke aluaduar në rastin e fundit, ku u helmuan mbi 1500 qytetarë atje, ai po thotë se si duket Deçani është bërë vatër e një epidemie të re ende të paidentifikuar.
Postimi i plotë:
Kjo dëshmohet edhe me Indeksin komunal të zhvillimit njerëzor, i cili kalkulohet duke marrë parasysh fusha si edukimi e shëndetësia.
Pra një zonë me shëndetësi të pazhvilluar është terren i përshtatshëm për epidemi. Tashmë e njohim rastin e përsëritjes së epidemisë së Etheve Krime Kongo në Malishevë.
Si duket Deçani është bërë vatër e një epidemie të re ende të paidentifikuar.
Autoritetet shëndetësore duhet të punojnë që të kontrollohet epidemia, dhe të parandalohet përsëritja në vitet e ardhshme.
(E nëse vërtetohet që në shpërthimin e epidemisë kanë luajtur rol temperaturat jashtëzakonshëm të larta, atëherë ka punë edhe më shumë, dhe kjo është ogur i keq për atë çfarë e pret shëndetësinë tonë me zgjerimin e efekteve të ndryshimeve klimatike!)
