Kryeministri i Kosovës Albin Kurti ka akuzuar Serbinë për tre gjenocide kundër shqiptarëve të Kosovës, gjatë takimit me Presidentin serb Aleksandër Vuçiq, në Bruksel.
Kurti ka thënë se gjenocidi i parë u krye në 1878 dhe i fundit në vitin 1999.
Këtyre akuzave Vuçiq është është përgjigjur ashpër dhe tashmë situata e negociatave është jashtëzakonisht e tensionuar.
Kujtojmë se Vuçiq është takuar sot në Bruksel me Kurtin dhe zyrtarë të tjerë europianë. Gjatë takimit Vuçiq kishte marrë me vete disa fotografi ku pretendonte sulme të Kosovës ndaj serbëve të ndodhura këtë vit.
Vuçiq u takua së pari me përfaqësuesin special të BE-së për dialogun midis Beogradit dhe Prishtinës, Miroslav Lajçak, pas së cilës ai bisedoi me shefin e diplomacisë së BE, Josep Borell.
