Lidhja Demokratike e Kosovës, përmes një kumtese për media ka njoftuar se ka zyrtarizuar edhe dhjetë kandidatë për zgjedhjet lokale që pritet të mbahen në tetor të këtij viti.
Befasi padyshim është emri i ish-deputetit të LDK-së, Ilir Feratit, kandidat për kryetar të Komunës së Istogut, pasi gara në këtë degë ishte mjaftë interesante.
Ndërkaq, përveç zyrtarizimit të kandidatëve, kjo parti ka marrë vendim edhe për formimin e të gjitha shtabeve zgjedhore të Degëve dhe të Nëndegëve me qëllim të organizimit sa më të mirë të këtij procesi.
Ja njoftimi:
Në mbledhjen e mbajtur sot, Kryesia e LDK-së vendosi që:
- Lutfi Haziri të jetë kandidat për kryetar të Komunës së Gjilanit;
- Anton Quni - kandidat për kryetar të Komunës së Prizrenit;
- Ilir Ferati - kandidat për kryetar të Komunës së Istogut;
- Hyrie Dobrunaj - kandidate për kryetare të Komunës së Deçanit;
- Burim Krasniqi - kandidat për kryetar të Komunës së Rahovecit;
- Besim Hoti - kandidat për kryetar të Komunës së Klinës;
- Bajrush Hoti - kandidat për kryetar të Komunës së Malishevës;
- Bexhet Xheladini - kandidat për kryetar të Komunës së Dragashit;
- Jeton Biqkaj - kandidat për kryetar të Komunës së Kamenicës;
- Ruzhdi Shehu - kandidat për kryetar të Komunës së Junikut.
Përveç zyrtarizimit të kandidaturave, Kryesia e LDK-së ka marrë vendim për formimin e të gjitha shtabeve zgjedhore të Degëve dhe të Nëndegëve me qëllim të organizimit sa më të mirë të këtij procesi.
