Ambasada e Shteteve të Bashkuar të Amerikës në Kosovë u ka bërë thirrje qytetarëve që të vaksinohen, pasi që numri i rasteve pozitive me COVID-19 është në rritje.
Në reagimin e ambasadës thuhet se vaksinat janë të sigurta dhe efektive.
“Vaksinat janë të sigurta, efektive dhe zvogëlojnë ndjeshëm mundësinë që ju ose një anëtar i familjes të përfundoni në spital”, thuhet në reagimin e Ambasadës Amerikane.
Ndërkohë, gjatë 24 orëve të fundit në vendin tonë janë konfirmuar 263 raste të reja me koronavirus, ka njoftuar Ministria e Shëndetësisë. Numri i rasteve aktive tashmë ka shkuar në 2 mijë e 271.
