Në tunelin e Kalimashit është duke u ndierë një aromë e pakëndshme e tymit.
Ka zjarr në disa fshatra të Kukësit.
Pjesa përmbi tunelin e Kalimashit është duke u djegur me të madhe.
Përveç erës së tymit dhe erës së pishave të djegura, këtu në pikën kufitare në Morinë është edhe një temperaturë e lartë, për shkak se gjatë verës zakonisht është një temperaturë e freskët, por që sonte është ndryshe nga ditët e tjera.
Përpos Forcës së Sigurisë së Kosovës, drejt Kukësit janë nisur edhe 100 zjarrfikës nga Kosova, pas kërkesës nga kryetari i bashkisë së Kukësit, i cili tha se situata me zjarrin është vetëm duke u përkeqësuar.
