Detaje për autobusin me pasagjerë nga Kosova që mori flakë në Himarë, ky dyshohet të jetë shkaku

Aktuale

Detaje për autobusin me pasagjerë nga Kosova që mori flakë në Himarë, ky dyshohet të jetë shkaku

Më: 11 gusht 2021 Në ora: 10:55
Pamje nga vendi i ngjarjes

Një autobus që vinte me pushues nga Kosova ka pësuar defekt teknik dhe ka marrë flakë në pjesën e pasme të tij. 

Sipas mediave të Shqipërisë, ngjarja ka ndodhur në aksin rrugor Himarë-Sarandë, ku autobusi, me drejtues A. L., 38 vjeç, në ecje, ka marr flakë në ecje gjatë kohës që ishte me pushues brenda.

Zjarri ka rënë në pjesën e pasme të autobusit, ndërsa autobusi po kalonte në fshatin Iliaz të Himarës.

Kanë qenë rreth 25 qytetarë nga Kosova dhe po shkonin në drejtim të Sarandës.

Pasi ka marrë flakë motori dhe është fikur nga zjarrfikësit, pushuesit nga Kosova janë transportuar me autobus tjetër.

Shkaku i zjarrit në motor mësohet se ka qenë nxehja.

Fatmirësisht zjarrfikësit kanë ndërhyrë në kohë duke bërë të mundur shuarjen e zjarrit.

comment Për komente lëvizni më poshtë
Sot mund të lexoni Shfletoni kopertinat