Një mërgimtari iu dogj shtëpia në Komunën e Vitisë. Po dyshohet se dikush ia vuri flakën për shkak të haraçit.
Fren Ferizit nga Binaqi i Vitisë të enjten iu dogj shtëpia e të vëllait teksa dyshon se kjo iu bë qëllimisht.
Në momentet e zjarrit, brenda saj nuk kishte banues, pasi i vëllai jeton në Zvicër.
Policia vetëm e konfirmon rastin e zjarrvënies, por nuk dha më shumë detaje.
Ndërkaq, televizioni mëson se atyre u janë dhënë edhe emrat e disa personave të dyshuar.
‘Personat që bëjnë ndërtime pa leje, personat që uzurpojnë, personat që qesin haraç, personat që lëshojnë pare me fajde, qata njerëz e kanë bo”, tha i vëllai.
Njësiti i zjarrfikësve në Viti nuk kishte intervenuar për shuarjen e flakëve, megjithatë kanë ekzaminuar vendin e ngjarjes bashkë me policinë.
Edhe zjarrfikësit besojnë se zjarri është shkaktuar qëllimshmit.
Nga flakët janë shkaktuar dëme rreth 25 mijë euro.
Pamjet KËTU.
