Vazhdon rritja e numrit të rasteve aktive me koronavirus.
Ani pse javë më parë ky numër shënonte dyshifror, sot për sot kap shifrën 5493, kjo si shkak i rekordeve negative të shënuara ditëve të fundit, ku numri i të infektuarve po kalon njëmijëshin.
Në 24 orët e fundit janë regjistruar 1128, nga 7424 testime, që kthyer në përqindje i bie 15% të numrit total të testimeve.
Më poshtë edhe raporti i plotë i 24 orëve të fundit, ndërsa IKSHPK-ja vazhdon me thirrjet “pro-vaksinim”.
Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 19.248 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 559.007 doza të vaksinës.
Deri më sot 192.503 qytetarë janë vaksinuar me dozën e dytë.
Nga 7.424 testime, 1.128 qytetarë kanë rezultuar pozitiv me virusin COVID-19.
Gjatë 24 orëve të fundit, janë shënuar 3 raste të vdekjes.
Sot janë shëruar 46 qytetarë, derisa numri i përgjithshëm i të shëruarve është 106.009.
Në total numri i rasteve aktive është 5.493.
