Në degën e PDK në Skenderaj kanë thenë të dielën se është kompletuar 5-shja e atyre ‘kryetarëve’ të nëndegëve, të cilët ka mbi dy vjet që janë përzënë nga PDK-ja, e të cilët, siç thonë në PDK, strehim kanë gjetur nën krahët e Bekim Jasharit.
Madje në PDK, pesëshen që kanë dale në përkrahje të Bekim Jasharit i quajnë ‘llegenda’.
Anëtari i Këshillit Drejtues të degës së PDK në Skenderaj, Kastriot Fazliu, ka ironizuar me ta.
“Ishte propagandaë e lodht. Kur patem filluar zgjedhjet e brendshme të partisë janë pa çu nja 4-5 llegjenda, thojshin po ia marrim degen Samiut, edhe mirë boll filluam zgjedhjet ne 52 fshatra (nendege) edhe 6 nendege te qytetit, total 58. Dorën në zemër i paten fitu nja 3-4, edhe po i shihni tash. Po dalin vet e po tregojnë se PDK-në e kanë dashur vetëm për interes personal”, ka ironizuar Fazliu, derisa kreu i degës së PDK dhe kandidatit për kryetar të komunës së Skenderajt, Sami Lushtaku ka thenë se ata qëmoti janë përjashtuar nga PDK-ja dhe se strukturat e degës nuk kanë pasur asnjë komunikim me ta.
