Deputeti shqiptar në Kuvendin e Serbisë Shaip Kamberi, përmes një postimi në facebook, ka thënë se duhet t’i qasen më seriozisht Luginës së Presheves qeveria e Kosovës dhe ajo e Shqipërisë.
Kamberi theksoi se këto qeveri nuk kanë platformë dhe program shtetëror, madje nuk ndajnë buxhet të rregullt, përcjell “Bota sot”.
Ai shtoi se qeveria e Serbisë për Kosovën ka platformë dhe program shtetëror, si dhe ndanë buxhet, ndërsa Qeveria e Serbisë për Luginën e Preshevës ndanë buxhet të rregullt, sado të pamjaftueshëm, dhe ka mekanizëm qeveritar, sado që joefikas.
Postimi i plotë:
????????̈ ? ??????̈? ??? ??????̈????̈ ?’? ????? ??̈ ?????????? ??????̈? ??̈ ????????̈?
Qeveritë e Republikës së Kosovës dhe Shqipërisë për Luginën e Preshevës :
- Nuk kanë platformë dhe program shtetëror
- Nuk ndajnë buxhet të rregullt
- Nuk kanë mekanizëm të veçantë qeveritar
Qeveria e Republikës së Serbisë për Kosovën :
- Ka platformë dhe program shtetëror
- Ndanë buxhet të rregullt (çdo vjet me qindra milliona euro)
- Ka mekanizëm të veçantë qeveritar (herë si ministri, herë si zyre të veçantë).
Qeveria e Republikës së Serbisë për Luginën e Preshevës :
- Ka platformë dhe program shtetëror, sado që letër e vdekur.
- Ndanë buxhet të rregullt, sado që pamjaftueshëm.
- Ka mekanizëm të veçantë qeveritar (Trupi Koordinues për Preshevë, Bujanoc dhe Medvegjë), sado që jofunksional dhe joefikas.
