Vazhdon të jetë e rënduar gjendja me pandeminë në Kosovë.
Sipas njoftimit nga Ministria e Shëndetësisë, gjatë 24 orëve të fundit kanë vdekur 18 persona si pasojë e Koronavirusit.
Janë regjistruar 1891 raste të reja pozitive, ndërsa 1483 qytetarë janë shëruar, përcjell Bota sot.
Njoftimi i MSH:
28 Gusht 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 15.967 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 794.812 doza të vaksinës.
Deri më sot 267.979 qytetarë janë vaksinuar me dozën e dytë.
Nga 13.120 testime, 1.891 qytetarë kanë rezultuar pozitiv me virusin COVID-19.
Gjatë 24 orëve të fundit, janë shënuar 18 raste të vdekjes.
Sot janë shëruar 1.483 qytetarë, derisa numri i përgjithshëm i të shëruarve është 112.883.
Në total numri i rasteve aktive është 25.797.
Të dhënat e detajuara mund t'i gjeni KËTU:
