Kryetari i AAK-së, Ramush Haradinaj ka pranuar një letër nga kryetari i LDK-së, Lumir Abdixhiku përmes të cilës kërkohet që të shkurtohet fushata zgjedhore nga 30 ditë në 10 ditë.
Kjo po kërkohet për shkak të rritjes së infektimeve me virusin Covid-19.
Por Haradinaj ka dhënë një ide tjetër, që fushata zgjedhore të shkurtohet në vetëm 5 ditë, duke shtuar se shëndeti i qytetarëve është mbi të gjitha.
Postimi në Facebook:
Të nderuar qytetarë,
Kam pranuar një letër nga kryetari i LDK-së z. Abdixhiku ku ai kërkon shkurtimin e fushatës zgjedhore nga 30 në 10 ditë.
Qëndrimi i AAK-së, duke marrë parasysh gjendjen e rëndë me pandeminë, është që fushata të shkurtohet në vetëm 5 ditë e jo në 10.
Shëndeti i qytetarëve mbi të gjitha!
RH
