Publicisti Emin Azemi ka komentuar paralajmërmin e presidentit të Serbisë, Aleksandër Vuçiq për një fushatë të egër kundër Kosovës sa i përket anëtarësimit në Interpol dhe UNESCO.
Ai ka thënë kryeministri Edi Rama nuk po tregon se si do ta pengojë projekti “Ballkani i hapur” këtë fushatë.
“Vuçiqi ka paralajmëruar një fushatë të egër kundër Kosovës, duke e mposhtur atë, siç u shpreh ai, në Interpol dhe UNESCO. Ai nuk e ka ndërmend me heqë dorë nga lobimi për çnjohje të Kosovës... (S')Edi Rama nuk po na tregon se si mundet projekti i tij BALLKANI I HAPUR ta pengojë këtë fushatë antiKosovë. Nëse kjo nuk na bëhet e qartë, atëherë i bie që pas lobimit serb për çnjohje është përgjegjëse edhe indiferenca e (S')Edi Ramës”, u shpreh Azemi.
Ai ka thënë se indiferenca e Ramës është e rrezikshme.
“Nganjëherë indiferenca është më e rrezikshme, sidomos kur ajo vjen si inerci e veprimeve naive që paketohen si gjoja diplomaci e matur.... "Kinse patriotët" janë në pritje se çka po ndodhë në relacionin Tiranë-Beograd në raport me zhvillimet e ardhshme në Kosovë dhe rreth Kosovës....” Të fala (S')Edi Ramës!”, ka përfunduar ai.
