Shefi i grupit parlamentar të Lidhjes Demokratike të Kosovës (LDK), Arben Gashi ka pyetur kryeministrin Albin Kurti se pse ka marrë vendim sot për reciprocitetin për tabelat e veturave me shtetin e Serbisë.
Në seancën e Kuvendit, Gashi tha se paraprakisht është dashur të ketë fushatë vetëdijesimi për zbatimin e kësaj mase.
Gashi: Pse sot e ndërmorët këtë masë dhe pse me njësi speciale
“Pse sot zotëri kryeministër, pse me njësi speciale. A ka pas ndonjë fushatë vetëdijesimi a është dashur me ditë, ju përgëzojë për lumturinë të nderuar deputetë, por qytetarët e këtij vendi qofshin të komuniteteve duhet të dinë pse po merret një vendim dhe cilat janë pasojat. Por, show që bëri këtë kryeministri është thjesht një show që është bërë edhe nga ish kryeministri Thaçi”, tha ai.
