Natën e mbrëmshme në Zubin Potok u dogj zyra e qendrës së regjistrimit të automjeteve.
Gjithashtu këtë natë edhe në Zveçan u tentua të bëhej diçka e tillë.
Këto situata të krijuara, kanë acaruar edhe më tej raportet e Kosovës dhe Serbisë.
Pas këtyre ngjarjeve që ndodhën mbrëmë nga serbët, të cilët po mbështetën nga Beogradi, ka reaguar kreu i AKR-së, Behgjet Pacolli.
Ai përmes një postimi në Facebook, shkruan se, BE-ja duhet t’i reagojë Serisë për kërcënimet e fundit ndaj Kosovës dhe sulmit terrorist në Zubin Potok e Zveçan.
Pacolli gjithashtu kërkon që të lirohen rrugët sa më parë.
“BE-ja t'i reagon sa më parë Beogradit për kërcënimet e fundit ndaj Kosovës dhe sulmin terrorist në Zubin Potok dhe Zveçan. Rrugët e bllokuara të lirohen sa më parë dhe të respektohet rendi dhe ligji në pjesën verior të Kosovës”, shkruan Behgjet Pacolli.
