Senati amerikan ka konfirmuar zgjedhjen e Ndihmës Sekretares së re të shtetit për Evropë dhe Çështje të Azisë, Karen Donfried e cila do ta zëvendësojë ushtruesin e detyrës, Philip Reekerin. Presidenti Joe Biden e kishte nominuar atë dhe e njëjta është konfirmuar nga Senati amerikan.
Donfried është presidente e Fondit Gjerman Marshall të ShBA-së dhe ka qenë asistente e presidentit dhe drejtore e lartë për çështje evropiane në Këshillin Kombëtar të Sigurisë në Shtëpinë e Bardhë.
Para se të shërbejë në Shtëpinë e Bardhë, Donfried ka shërbyer si oficere e Intelegjencës Kombëtare për Evropën në Këshillin Kombëtar të Inteligjencës.
Sekretari amerikan i Shtetit, Anthony Blinken ka uruar Donfried për postin e ri.
