Sot, Kosova dhe Serbia kanë arritur marrëveshje në Bruksel.
Kjo marrëveshje u arrit pas situatës së krijuar në veri të vendit, pas vendimit të Qeverisë së Kosovës për reciprocitetin e targave të automjeteve serbe.
Opinionisti Agim Vuniqi, ka komentuar arritjen e kësaj marrëveshje në Bruksel.
“Nëse RKS mbulohet me “sticker”, në të ardhmen edhe shoferet serbe kur të hyjnë në Kosove duhet t’i mbulojnë katër shkronjat S në targat e tyre. Se çfarë shkronjash dhe numrash do të kenë targat brenda Kosovës nuk është e rëndësishme, sepse në SHBA mund të veshë targa: Kosova, targa me emër personal, apo çfarë emri do, vetëm duhet të paguash më tepër”, ka thënë ai.
Më tej, Vuniqi ka shtuar se kjo marrëveshje e nënshkruar në Bruksel është njëra ndër fitoret më të rëndësishme të Kosovës në tryezën e bisedimeve.
“Pra është e rëndësishme që reciprociteti ndërshtetërore është i plotë. Për mua kjo është njëra ndër fitoret më të rëndësishme të Kosovës në tryezën e bisedimeve. Bravo Kosovë!", ka deklaruar Vuniqi në një shkrim për "Bota sot".
