Kryetari i AAK-së, Ramush Haradinaj, ka reaguar ashpër pasi qeveria e Kosovës refuzoi projektin për gazin amerikan.
Haradinaj përmes një postimi në Facebook, e ka pyetur kryeministrin Kurti se a është takuar në Greqi me ndonjërin prej përfaqësuesve të “Gazpromit” rus, dhe është kjo arsyeja për marrjen e një vendimi të tillë.
Sipas tij, vendimi në fjalë i qeverisë është një veprim i rrezikshëm dhe kundër interesave të Kosovës dhe SHBA-ve.
Postimi i plotë i Haradinajt:
Po iu pyes Kryeministër Kurti: Gjatë vizitës suaj të gjatë në Greqi, a e keni takuar ndonjërin nga përfaqësuesit e Gazpromit rus dhe a është kjo arsyeja e refuzimit të projektit të gazsjellësit amerikan!?
Refuzimi i projektit të gazsjellësit amerikan është një veprim i rrezikshëm kundër interesave të Kosovës dhe të Shteteve të Bashkuara të Amerikës.
