Lutfi Haziri është aktualisht kryetar i komunës së Gjilanit dhe po kërkon edhe një mandat të ri, për të qenë në krye të kësaj komune.
Duke qenë në këtë pozitë ai ka deklaruar pasurinë e tij pranë Agjencionit Kundër Korrupsionit. Ai është përmendur shumë herë për pasurinë e tij të madhe, e që vërtetohet edhe nga deklarimi i tij.
Ai ka deklaruar se përveҫ që është kryetar komune në Gjilan, është pjesë e LDK-së dhe nënkryetar i kësaj partie.
Haziri ka deklaruar se posedon tek pasuria e paluajtshme posedon vetëm tokën në vlerën 1 milionë e 751 mijë euro, dhe një banesë në vlerën 100 mijë euro.
Nuk ka deklaruar te ketë veturë ai apo familjarët e tij, ndërsa paratë e gatshme kapin poashtu një vlerë të madhe. Ai ka deklarua se posedon mbi 266 mijë euro para të kursyera, një pjesë e bashkëshortes dhe një pjesë e prindit në Zvicër.
Ndërkaq të hyrat vjetore të tij si kryetar komune kapin vlerën mbi 15 mijë euro, pensioni mujor i prindit mbi 1 mijë euro dhe 600 euro rrogë të bashkëshortes në Ansamblin Shota. Kështu në total pasuria e tij e deklaruar, kalon vlerën mbi 2 milionë euro.
