Pas aksionit në veri ka reaguar edhe kryetari i AAK-së, Ramush Haradinaj.
Ai ka thënë se huliganët dhe banditët të cilët ngren dorë mbi Policinë e Kosovës, duhet të burgosen.
Por, ai shpreson që ky aksion të mos jetë i ndërlidhur me fushatën elektorale.
Postimi në Facebook:
Askush nuk ka të drejtë të ngre dorë ndaj policit të Kosovës. Huliganët dhe banditët duhet të burgosën dhe shteti duhet të jetë i pakompromis ndaj tyre. Secili që sulmon policinë e Kosovës dhe e prish rendin publik, duhet ta marrë dënimin e merituar.
Ne duam të besojmë që aksionet e sotme, të kenë qenë pjesë e planit të rregullt operativ të policisë në ndjekje të krimit. Veç se qeveria e ka për detyrë ta sqarojë edhe opinionin publik edhe veten, për përzgjedhjen e momentit kohor për kryerjen e këtyre operacioneve.
Nëse është e mundshme duhet të hiqet çdo dilemë, se këto aksione mund të jenë kryer për efekte elektorale.
Në mbështetje të Policisë së Kosovës.
RH
