Ish-Ministrja e Kosovës për Dialog, Edita Tahiri, reagoi për deklaratën e Borrell.
Ajo ka vlerësuar se Shefi i Lartë për Punë të Jashme i BE-së, Josep Borrell, me qëndrimin e djeshëm ka shpërfaqur anshmërinë e këtij unioni në procesin e dialogut.
“Anshmëria e Josep Borrell me qëndrimin për ndërhyrjen legjitime të Qeverisë së Kosovës për të luftuar krimin dhe kontrabandën, minoi paanësinë e BE si ndërmjetësues në dialogun e Brukselit”, është shprehur Tahiri.
“Për më tepër tregoi se sa ai është i ndikuar nga Beogradi”.
