Ish zëvendësministri i arsimit, Jusuf Thaçi, ka thënë se emërimi i Christopher Hill si ambasador i SHVA-ve në Serbi, është përgjigja më perfekte që SHBA ka mundur t’i jap Serbisë.
Përmes një postimi në Facebook, ai ka thënë se është i bindur se Serbia e ka të qartë pse "njeriu i viteve 90-a i SHBA-së" në rajonin tonë është rikthyer sërish këtu në këtë kohë, përcjell Bota sot.
Thaçi po ashtu ka thënë se shpreson që këtë mesazh ta kuptojë edhe BE-ja.
Postimi i tij i plotë:
Emërimi i z. Kristofer Hill si Ambasador i SHBA-së në Beograd pikërisht në këtë kohë është përgjigja më perfekte simbolike (me gjasë edhe praktike) që SHBA-ja ka mundur t'i japë Serbisë së sotme, e cila është saktësisht Serbia e njëjtë e viteve 90-a të shekullit të kaluar.
Jam i bindur që Serbia e ka të qartë pse "njeriu i viteve 90-a i SHBA-së" në rajonin tonë është rikthyer sërish këndej pari pikërisht në këtë kohë. Shpresoj që këtë mesazh ta kuptojë edhe BE-ja, e cila më shumë se aktor ishte spektator atëherë e vazhdon të mbetet edhe tani.
Welcome back (for real) to Balkans USA!
Game Over for EU games in the Balkans!
