Ish-drejtori i Policisë së Kosovës, tashmë deputet i PDK-së, ka komentuar raportimet për kërcënimet ndaj kryeministrit Albin Kurti, që pasuan me shtimin e masave të sigurisë të shtëpia e tij.
Gjithë këtë situatë, Qalaj e quan “pak të ekzagjeruar”, pasi sipas tij raste të tilla kanë ndodhur edhe në Qeverinë Kurti 1.
“Këso kërcënime kanë ndodhur edhe më herët. Edhe sa ka qenë Thaçi e Haradinaj kryeministër, edhe në mandatin e parë të Albin Kurtit si kryeministër, por nuk janë dalë shumë në publik. Është pak një ekzagjerim. Megjithatë Policia e kanë obligim kurdo që kërcënohet një lider”, tha Qalaj.
Policia e Kosovës, sot ka dalë me një komunikatë për media lidhur me rastin e kërcënimit të kryeministrit të Kosovës, Albin Kurti.
Nga Policia kanë bërë të ditur se me të marrë informacionin janë shtuar masat e sigurisë personale të Kurtit, përfshirë edhe mbrojtjen e afërt, por në këtë aktivitet nuk ka qenë i angazhuar asnjë zyrtar i Njësive Speciale.
