Kandidatja e VV-së për kryetare të komunës së Gjakovës, Mimoza Kusari Lila, ka thënë se subjekti që ajo përfaqëson ka treguar sukses në zgjedhjet lokale për shkak se ka shkuar në balotazh në 12 komuna.
VV ka shkuar në balotazh në 12 komuna, por nuk ka fituar asnjë komunë në raundin e parë. Kjo është shikuar si dështim nga analistët, por Kusari Lila mendon ndryshe.
Analistja Zana Avdiu ka thënë se përkundër që VV ka shkuar në balotazh në 12 komuna, përsëri ajo ka qenë e dyta në shumicën prej tyre.
“Edhe pse keni shkuar në balotazh në 12 komuna, ju jeni të dytët në shumicën prej tyre”, ka thënë ajo.
Ndërsa Kusari Lila i është kundërpërgjigjur duke thënë se ekziston mundësia për fitore në shumicën prej atyre komunave ku VV është në balotazh.
“Në balotazhe gjërat nisin prej fillimit”, thotë ajo.
“Është garë krejt tjetër prej raundit të parë dhe gjithçka mund të ndodhë”, shtoi Kusari Lila.
