Në media u raportua se Kryetari i degës së Vetëvendosjes në Viti, Bislim Bislimaj është arrestuar, nën dyshimet se ka dhunuar një të mitur.
Lidhur me këtë lajm, ka reaguar Lëvizja Vetëvendosje.
Zëdhënësi i Lëvizjes Vetëvendosje, Arlind Manxhuka, në një postim në Facebook, ka treguar se Bislimaj nuk është kryetar i degës së VV-së në Viti.
Manxhuka ka thënë se ka disa vite që kryetar i kësaj dege është deputeti Nijazi Isaku.
Postimi i plotë:
Është e tmerrshme lehtësia e hedhjes së gënjeshtrës si lajm. "Arrestohet kryetari i degës së VV në Viti", shkruajtën shumë portale. Gënjeshtër. Tash e sa vite kryetar dege është njeherësh edhe deputeti Nijazi Isaku dhe jo personi në fjalë.
