I plagosuri në Gjilan dërgohet në QKUK – flasin nga spitali

Aktuale

I plagosuri në Gjilan dërgohet në QKUK – flasin nga spitali

Më: 9 nëntor 2021 Në ora: 00:06
Spitali i Gjilanit

Personi që mbet i plagosur të hënën mbrëma në lagjen Arbëria në Gjilan, është dërguar për trajtim mjekësor në Qendrën Klinike Universitare të Kosovës.

I njëjti është plagosur me dy plumba në regjionin e ijëve dhe është në gjendje të rëndë shëndetësore.

Kështu ka bërë të ditur drejtori i Spitalit të Gjilanit, Arsim Emini.

Përveç të plagosurit, nga të shtënat me armë ka mbetur edhe një person i vdekur.

Ky i fundit sipas Eminit, kur është dërguar në Spitalin e Gjilanit ka qenë pa shenja jete dhe ka qenë i plagosur në pjesën e majtë të gjoksit.

“Një person ka ardhur pa shenja jete, vdekje me plagë nga armë zjarri, plagët kanë qenë në pjesën e majtë të gjoksit. Ndërkaq, i plagosuri ka dy plagë me armë zjarri në regjionin e ijeve, regjioni limbol”.

“I plagosuri është dërguar për në Prishtinë. Është në gjendje të rëndë por me parametra stabile”, ka thënë Emini.

comment Për komente lëvizni më poshtë
Sot mund të lexoni Shfletoni kopertinat